ایران گپس

[Master]

[align=center]آثار زنده یاد

خلدآشیان مشهدی یوسف شهاب[/align]

[Master]

آنا نعشینه دؤشـه‌نیب حـۆسئین          آنـا وای دئییـب حسـن آغـــلادێ
کفـه‌ن ایچـره ائیلــه سێـزێلـدادێ          باش آچێـب ابـاالحسـن آغــلادێ
آنــا وای دئییـب حسـن آغــلادێ

ایکی شـاهزادئـی-ی-خونجیگـه‌ر          ائـلــه گلــدی شیــوه‌نیلـــه دیلــــه
ایکی عنده‌لیـب-ی-شیکه‌سته پر          دییه‌سـه‌ن قـوْنۇبـدۇ سـوْلان گۆلــه
اوْلارێـــن فغــانـی غـــم آرتێـرێـــر          هامــێ بۆلبـۆلـه، گۆلـه، سۆنبـۆلـه
یئـری وار دییــه‌م بـۇ مـۆصیبـه‌تــه          گۆل-وْ-گۆلشـه‌ن-وْ-چمـه‌ن آغـلادێ

حسنئینیـــن ائیلـــه‌دی ناله‌سی          کفــه‌ن ایچـــره فاطیمـییـــه اثــه‌ر
آچێلێبــدی بنـد-ی-کفــه‌ن آچێـب          قوْلۇن اوْل بلاکئش-ی-خون‌جیگه‌ر
ائله چکدی سینـه‌یه جـان کیمی          حسنئینی تؤکدۆ سیرئشک-ی-تر
خانێمێـن اوْ کشـف-وْ-کـرامـه‌تیـن          اوْ جـــلالــه‌تیــن گــؤره‌ن آغــلادێ

نـه دلیلـلـه مـن ائلــه‌یـیــم بیــان          نـه ایمیـش جلالــه‌ت-ی-فاطیمــه
سالێب اهل-ی-عاله‌می حئیره‌ته          اوْ جـلال-وْ-شــوْکـه‌ت-ی-فاطیمــه
بــۇنــۇ بیر خــۇدای جهــان بیلیــر          کــی ندیـر شرافــه‌ت-ی-فـاطیمـه
اوْ شــرافــه‌تــه اوْ مــۆصیبــه‌تـــه          ائدیـب انجــوْم، انجوْمـه‌ن آغـلادێ
السلام علیکِ یا فاطمةالزهرا- التماس دعا

[Master]

گل اوْغـۇل طـوسیـده مظلـوم اؤلـۆره‌م
اوْلمـۇشـام گؤر نئجه مسموم اؤلۆره‌م
غم گۆنۆ غمخاریم اوْغـۇل
گل اؤزۆن اوْل یارێم اوْغۇل

گـؤزله‌ریم گـؤزلیر اوْغۇل ایمدی سنی
یاده سـال بــۇ قـوْجــا وقتیمــده منـی
زهــر وئــردی منــه مــأمــون-ی-دنـی
گــل اوْغـۇل طـوسیده مظلـوم اؤلۆره‌م

سالـدێ دیلـده‌ن منـی زهـرین اثـه‌ری
درک قێـل سنـده بـۇ خونیـن جیگـه‌ری
خــوْشـــدۇر اوْلاده آتــــا دردیســـه‌ری
گـل اوْغـۇل طـوسیـده مظلـوم اؤلۆره‌م

گلمــه‌دی یانیمـه معصـومــه باجێـــم
آغلییئیـدی من-ی-مسمومـه باجێــم
قالـدێ حسره‌ت منه مظلومه باجێـم
گـل اوْغـۇل طوسیده مظلوم اؤلـۆره‌م

[Master]

گل حسینون آنا جان گلدی شهادت گیجه سی/ زینبه ایله حمایت بوقیامت گیجه سی
باخورام هرطرفه ناله دی شیون سسیدی/ بر بلوک خوردا اوشاقدی العطش ناله سیدی
مین مصیبت اوخی بر زینبوین سینه سیدی/ گل اوزون اول منه همدم بو قیامت گیجه سی
بر طرفده آلوب آغوشه رباب اصغرینی/ گه باسور سینیه گاهی توکور اشک ترینی
گه اپور گوزلرینی گه قوریان لبلرینی  / گوروی بو گیجه دی ای آنا وصلت گیجه سی
لیلی پروانه کیمی شمع مصیبتده یانور/ باخور اکبر یوزینه طاقت و صبری تالانور
گه دورور اکبرینون باشینه حیران دولانور/بلوری دوشمز اله بربیله مهلت گیجه سی
غملییم غصه لیم چوخدی ملالیم بلوسن/ بیله بر وقته منی یاد ایلیوب نه گلوسن
بلورم سنده منیم تک آناجان غصه لوسن/ گل حسینه ایلیاخ ناله بو فرقت گیجه سی
هر سوزینده وار آنا قارداشمون غم اثری/ ویرور هر لحظه و هر آن شهادت خبری
نولاجاق بو گیجه نون بلمم آچلسا سحری/ یتمیه کاش آنا جان باشه بو وحشت گیجه سی
بولمورم خوردا اوشلاقلاری یغوم من باشما/ یا گیدوم خیمه سینه مونس اولوم قارداشیما
یا ویروم رخصت آنا حسرتیله گوز یاشما/ آغلوروم هانسی بر احوالهبو حسرت گیجه سی
نولی بو چولده گلوب بر گله سن شیونه سن/ باخاسان بو سوسوزوندان سارلان گلشنه سن
اولاسان بو گیجه بر مونس و همدم منه سن/ آنا یاد ایتسه قیزین خوشدی بو الفت گیجه سی
اوغلوین بو گیجه باشدان داغلوبدور کمکی/ بر بلوک عترت النده قالوب آخر اتکی
گل آنا گور نجه بر درده دوشوب تک بتکی/ یوخ فراغت اولا آسوده بو مهلت گیجه سی
او احبا که شهاب ایلدیلر یاد سنی/ اولارین مرحمتی ایتدی بو نظم محنی
سنده شکرانه سینه برده اوخی سر سخنی/ گل حسینون آنا جان گلدی شهادت گیجه سی

[Master]

در وفات حضرت زین‌العابدین



قدسیان یاسه باتوب عالمِ معناده بوگون

آغلوری لوح و قلم سیّد سجّاده بوگون

عالم معناده بوگون

نه بنی نوع بشـردور که باتوب ماتمه تک

غملنـوب انجـم وخورشید سما ماه فلک

نوحه‌خوان روح‌الأمین ناله ایدر جمله ملک

دوشنوب فرش عزا عرش معلّاده بوگون

دولدوروب عالم امکانی بوگون شور و نوا

بیـر مؤثّر غمیله درده گلوب ارض و سما

اوصیا و رُسُل آغلار باش آچوب شیرخدا

قالمیوب تاب و توان آدم و حوّاده بوگون

چوخ مصیبت چکوب عالمده بو مولای علیل

مَنجنیق ستمون اولدی دچاری چو خلیل

عُمروجـه سالدیـلا غـم آتشینه قوم رذیل

شیعه یانماقلیقا اولسون گرک آماده بوگون

کربلا واقعه‌سیندن صورا هر صبح و مسا

آغلادی جدّی حسینه واریدی قـدرتی تا

ایمدیـده سو گـوره شایـد که دیه وا اَبَتا

تؤکه گوزیاشی یوزه عالم بالاده بوگون

بولمـورم هانسی غمین ایلیوم ای شیعه بیان

قولی باغلی نئجه عرض ایلوم اولوب شامه روان

یاده دوشدوقجا او احوالی گوگوللر اولی قان

اود سالور قلبیمه گلدوقجه غمی یاده بوگون

شامـده گـور نقدر چکـدی مصیبت بو امام

کسلوب طاقت و آرامی اولوب صبری تمام

دوغمییـدی بویـوروبدور منـی ایکاش آنام

گورمییدیلـه منـی بستـۀ قلّاده بــوگون

وارد شـام اولانــدا او امـام اوغلـی امام

اود تؤکوبلـر باشینـا فرقـۀ بی‌ننگ و لُئام

دؤزدی هر بیر ستمی گوردی روا قوم ظُلام

آغلادان شیعه‌نی اول‌قصّه‌دی دنیاده بوگون

بزم شربـه گیدوب آخرده اولوب دردی مزید

ساخیلوب قوللاری باغلی ایاق اوستونده یزید

خیــزران ووردی آتـا باشینـه اول‌شــوم عَنید

یئتدی غم واقعاً اول سیّد سجّاده بوگون

غـم سجّـاد‌‌ده قـان آغـلاسا عالم یری‌وار

گوزدن آخسا یوزه اشگون یرینه دَم یری‌وار

بـو مصیبت گر ایده عالمی برهم یری‌وار

ماسـوا یاسه باتـا بو غم عُظماده بوگون



شاعر:شهاب

[Master]

زبانحال حضرت زینب در وداع امام



حسیـن تعجیللن گئتمه ایاق ساخلا دایان قارداش

دالونجه گورگوزوم یاشی نجه اولموش روان قارداش

دوشوبدور جانیمه رعشه گلوبدور خاطریم درده

گوزوم یاشـی آخار آمال کاریم نقش اولور یئرده

بویور قارداش گوروم گئتسن گلورسن خیمیه بیرده

و یا اینکه امان وئرمز سنه بو کوفیان قارداش

سنـه زحمتدی عرض ائتسم من نالانی بیر دیندیر

و یا کی تک به تک بو جمع سرگردانی بیر دیندیر

جوان اوغلی اولوب قلبی یانوب لیلانی بیر دیندیر

یاخوندی آیریلا روحی ائده تسلیم جان قارداش

شــرار نــار هجــرانه وروب بیلــه اتـک گئتمه

سنی یالقوز گوروب روحیم گلور آردونجه تک گئتمه

یول اوسته صف چکوب هشتاده تک قاره لئچک گئتمه

دولان بیر اهل بیتون گور نجه ایلر فغان قارداش

سکینه مرغ بسمل تک حسین چوخ اضطراب ایلر

اونون اول مضطرب حالی منی بی‌صبر و تاب ایلر

ایله حسرت باخور آغلور ئوره‌‌ک باشین کباب ایلر

تسلـی وئـر اولا آرام بلکـه بیـر زمان قارداش

آنام زهرادن ازل گون دؤزوم سرمشقنی آلدیم

جهاندا هر غمه دؤزدوم عجب دور اؤلمدیم قالدیم

اولوم میداننـه آخر سنی عطشان یولا سالدیم

منیم تک بیر مصیبت‌کش وئرن یوخدور نشان قارداش

آتام رحلت ائدن گوندن اگر چه شور و شینیم وار

حسین ایله حسن تک من دیردیم نور عینیم‌وار

حسن کی گئتدی دنیادن دئدیم قارداش حسینیم وار

گئدورسن سنده بس نیلوم من بی‌خانمان قارداش

دایان اطرافوی بیرده حسین اهل حرم دوتسون

دئمه‌ شه سن سپاهون یوخ سنی نامحترم دوتسون

اجازه وئر قباقنده باجین زینب علم دوتسون

شکسته گورمسون حالون باخاندا کوفیان قارداش

بو قدری بی‌پناه عورت اوشاق غربت ولایتدی

بدنلـر بیـد تک لـرزان حسین گویا قیامتدی

سنی اؤلدورسه‌لر بوللم بو قومون قصدی غارتدی

نه باشلاردا قالار معجر نه رخت بانوان قارداش



شاعر:شهاب